monumenta.ch > Beda Venerabilis > sectio 15
Word Selection for Searching
Report an Error in this Sectio
Beda Venerabilis, De Temporum Ratione, 64, 15
Vel in hac nobis conversione dilectio proximi, in illa nostri signatur auctoris. Aut huc conversus lucis eius profectus, ut bona foris operemur admonet, porro illuc, ut eadem bona opera solo supernae mercedis intuitu geramus. Huc, ut luceat lux nostra coram hominibus, et videant bona nostra opera, illuc, ut glorificent Patrem nostrum qui in coelis est.